Basha: I tronditur nga akti barbar në Mynih. Ngushëllime familjeve

23/07/2016 00:00

Kryetari i PD, Lulzim Basha është shprehur “i tronditur nga akti i verbër dhe çnjerezor i së premtes në Mynih të Gjermanisë”, ku mes viktimave të pafajshme janë tre të rinj shqiptarë.

“Sabina Sulaj, Armela Segashi dhe Diamant Zabergja humbën jetën nga ky akt barbar”, ka thënë Basha. Ai u ka shprehur ngushëllimet më të thella familjeve Sulaj, Segashi dhe Zabergja.

“Në këtë moment të rëndë hidhërimi dhe dhimbjeje kombëtare jemi me zemër dhe mendje pranë tyre, të bashkuar për ta përballuar dhimbjen e madhe”, ka shtuar Basha.

Top Channel